Rubio de amor

Rubio de amor, coa face vermella,

de amor puro e doce,

tentei de buscar quen mo trocara

por outro correspondido,

mais non atopei rem que quixera

cambiar a súa vida por outra descoñecida.

Sen dúbida non amosei todo

o meu poder de conquista,

non fun capaz de convencer

ou non teño anxo que encante as amas.

Rubio de amor, transfigurado,

co rostro candente de amor verdadeiro,

saín ao mundo buscando acomodo

con outro amor que gustara do meu,

mais o mundo é mundo,

non ama de cría que coide de un,

o mundo é mundo que esperta libre cada mañá,

facendo erguerse a cada ser para buscar o seu lugar nel.